"Lengoaia arakatzeko lanagatik", Juan Goytisolori eman diote Cervantes Saria

LITERATURA Cervantes saria eman zioten atzo Juan Goytisolo Gay idazleari (Bartzelona, 1931). «Lengoaia arakatzean egindako lana eta kulturarteko elkarrizketaren alde egindako apustua» aitortu dizkio epaimahaiak idazle eta intelektual katalanari. Goytisolok hainbat literatur generotan garatutako «proposamen estilistiko konplexuak» nabarmendu ditu epaimahaiak, baita «kultura europarraren eta islamikoaren artean solaskide» izatea ere —Marrakexen bizi da 80ko urteetatik—. Jose Manuel Caballero epaimahaiburuaren hitzetan, «gerraostetik gaur arteko literaturaren gailurretako bat da» Goytisolo, heterodoxiaren eta kulturen arteko elkarrizketaren alde egin duena.
Argazkian klikatu

TITIRIJAI- NAZIOARTEKO TXONTXONGILO JAIALDIA

 

Azaroaren 22tik 30era Titirijai jaialdia izango da.

Titirijai klasikoan 4 herrialdetako eta 5 autonomia-erkidegotako 11 konpainia izango ditugu, 43 ikuskizun eskeiniko dituztenak, 27 Tolosan, Donostian 16 (Altza eta Egian), Eibarren, Pasaian, Ordizian eta Sestaon.

Ikuskizunetara joatea gomendatzen dizuegu, ez itzazuela gal, txotxongiloen arte zoragarriarekin ederki pasako duzuela ziur gaude eta!
Programazioa ikusi ahal izateko irudian klikatu.

Martzianoak Gamon Txikin!!!!

 
ARGAZKIAN KLIKATU

David Fernández Sifres Gamon Txikira etorri da bere liburu berriari buruz “Qué vienen los marcianos” guri hitz egitera. 
David oso dibertigarria da eta mila istorio kontatu dizkigu. Oso ondo pasa dugu,  oso saio barregarria izan dugu.
 Argazkiak ikusi nahi badituzu... 
klikatu hemen.

Mariasun Landa 2014ko azaroko protagonista Haur Liburutegi Nagusian

Irudian klikatu

Hilabete honetan Haur Liburutegiak Mariasun Landa idazlearen figura eta obra omentzeko asmoz beste hizkuntzetan dituen liburuak erakusgai jarri ditu.

Atzo, azaroak 12, jaso du Landak 2014ko Eusko Ikaskuntza - Laboral Kutxaren Humanitate, Kultura, Arteak eta Gizarte Zientzien Saria, Jean-Baptiste Orpustan ikertzailearekin batera.

Gainera, azaroaren 20an Haurren Eskubideen aldeko Nazioarteko Eguna ospatuko da. Mariasun Landak "Los derechos de la infancia" argitalpenean parte hartu du, beste bederatzi idazle ezagunekin batera. Besteak beste Silvia Lorenzo, Agustín Fernández Paz...

Hori dela eta, nazioartean zein zabalduta dagoen bere lana ezagutzera ematea da gure ekimen honen helburua. Horretarako aukeratu dugu bereziki beste hizkuntzetara itzulitako lanak eta liburuak ikusi nahi dituenak Haur Liburutegiko lehenengo pisuaren erakusketa txokoan izango du aukera. Ibilaldi birtuala nahi izanez gero, hona hemen: Mariasun Landaren bilduma beste hizkuntzetan irakurketa gida.

Euskaraz eta gazteleraz eginiko gida honetan beste hamazazpi hizkuntzetara itzulitako lanak topatu ditzakegu: arabiera, esloveniera, greziera, koreera, poloniera, esperantoa, araniera, galiziera, katalana...

Iturria

HALLOWEEN LIBURUTEGIAN

Halloween ospatzeko beldurrezko liburuak bere ohizko tokitik atera genituen eta mahai baten gainean eskura ipini genituen.

Mahaia ondo apaindu genuen eta horrelako argazki polita egin genuen.